1. La vòcke jalzòw dàw fëròwscë ‘mbàstë
2. cùdu pëccatòwrë pulzànnëlë a lë capìddë
3. dà cäpë ca stëja muzzëquànn kë lë dìëndë

4. pò accumënzòw”Tëw më vùëj fä rënnuwä
5. dëspërät dëlòwr ca u còr m’apprësëmèjscë
6. shkìtt àw pënzìërë prëm angòrë ca në pàrlë

7. Ma cë i paròlë mèj hònna jéssë sëmméndë
8. ca frùtt ënfàmjë àw tradëtòwr ca jë ròwdë
9. parläj e ‘llacrëmäj tù m’hà vëdèj òwnëjtë

10. Jë nòn sàccë cë tù sì nnè pë quälë mòdë
11. vënëwtë sì cquä bbàshë ma Fjorèndìnë
12. më sìëmbr avvéraméndë quànn të séndë

13. Tëw hà sapèj ca jë fùbb u còndë Ugolëjnë
14. e ccùssë cquä jé l’arcëvèskëvë Ruggjérë
15. mò t’àgghja dëjscë pëcké llë sò täl vëcëjnë

16. Ca  pë  l’èffèttë  dì  sëw  mälë  pënzìërë
17. fëdànnëmë dë jìdd jë vënìssë pëgghjätë
18. e ddòpp accëjsë nò ngë nné bësùëgnë

19. pèrò ccè ccà tëw nòn pùëtë avè ndëjsë
20. kìëss jé cùmë la mòrta mèj fòw crëwtë
21. hà séndë e hà sapèj cë më jävë offèjsë

22. Pìcquël përtëws dajìndr à prëggjòwnë
23. la quälë ténë pë mmè u tìtëlë dë la fämë
24. e ndò cunvìën angòrë k’àldr së chjëwtë

25. më  jérë  musträtë  pë  lu  sëw  furämë
26. cchjù lëwn gjä quànn facìbb u mälsùënnë
27. ca du futëwrë më squarcjòw u vëlämë

28 Cùssë parëj a mmë mèstrë e ssëgnòwrë
29. caccjànn u lëwp e i lëwpëcìëdd ò mòndë
30. pù quäl ì Pësän vëdè a Llùckë nò ppòtënë

31. kë ccàgnë màcrë shullèscëtë e addësträtë
32. Gualàndë kë Ssësmònd e ckë Lanfrànghë
33. jérë mannätë nnànz a ccàccë da la fròndë

34. Ën  pìcquëlë  còrsë  më  parìjnë  stànghë
35. l’attänë e lë fìgghjë e ckë l’akëwtë zànnë
36. më parëja lòr vëdèj muzzëquä lë fjànghë

37. Quànnë më ruwëgghjàbb a l’ëndumänë
38. chjàngë sëndìbb frà u sùënn i fìgghjë mëj
39. ca jérnë kë mmè e mmë cërcòrn u ppänë

40. Bbèn sì ccrudèjlë cë tù ggjä nòn të dùëlë
41. pënzànn ccè ck’àw còrë mëj s’annunzjävë
42. e ccë nòn chjàngë dë ccè chjàngë së ssòldë?

43. Gjä jìërm ruwëgghjät e l’òwr s’avvëcënävë
44. ca u mangjä në vënëja purtätë cumò ssòldë
45. e pù sùënn sëw ognè jjëwnë në dubbëtävë

46. e sëndìbb mèttë lë chjùëv a la pòrt dë sòttë
47. a l’orrìbbëlë tòrr e ppë ckìëssë jë wardàbbë
48. ‘mbàccë a lë fìgghj mëj sénza dëjscë nùddë

49. Jë nò cchjangëjë tànd ngùërp jérë mbëträtë
50. chjangìvënë  lòrë  e  Janzèlmùccë  mëjë
51. dëcèttë:’Tù wàrdë dassë tatä ccé ttìënë?’

52. Pèrò nò llacrëmàbbë e nnè rëspunnìbbë
53. tùttë cùdu jùërnë nnè la nòtt apprìëssë
54. affìgnë ca l’òld sòwl ndòw mùnn assèttë

55. Cùmë  nu  pìcquëlë  ràggë  së fòw mëjsë
56. ndòw dulurëwsë càrcërë e jë smëccjàbbë
57. pë  cquàttë  fàccë  l’aspéttë  mëj  stèssë

58. tùtt’e ddò lë män pù dëlòwr muzzëquàbbë
59. e llòrë pënzànn ca jë u facèssë pë vvògghjë
60. dë  vulèj  mangjäj  sùbbëtë  së  jalzòrnë

61. e dëcèrn’Tatä assä n’addà fä mèjn dëlòwrë
62. cë tëw në mangë a nnëw: tëw në vëstìstë
63. kìëssë mìsërë càrnë e ttëw lë spuëgghjë’

64. Më calmàbb tànn pë nòn fàrlë cchjù trìstë
65. cùdu jùërn e l’òldë rëstàmmë tùttë mëwtë
66. Oj  tèrra  tòstë  pëcké  tù  nòn  të  japrìstë?

67. Dòppë ca fùmm àw quàrt jùërn arrëvätë
68. Gàddë më së scëttòw stënnëwtë a lë pìëtë
69. dëcénn:’Attänë mëj pëcké nòn m’ajjëwtë?’

70. Tànnë  murèttë  e  ccùmë  tëw  më  vëjtë
71. vëdìbbë jë cadèj lë trèj a jjëwnë a jjëwnë
72. frà u quìnd jùërn e u séstë e jjë më dìbbë

73. ggjä cëcätë a bbranguläj sòwp a ognëwnë
74. e kë ddù jùërn i cchjamàbb ormäj mùërtë
75. dòpp cchjù cca u dëlòwr putè u dëscëwnë”

76. Na vòld ca kìëss dëcètt kë l’ùëcchj stùërtë
77. rëpëgghjòw la cròzzë mìsërë kë lë dìëndë
78. ca fòrn a l’ùëssë cùmë dë nu cänë fùërtë

79. Oj  Pëjsë  vëtupèrjë  dë  lë  ggéndë
80. du bbèllë pajëjsë andò  u  ssë  sònë
81. dätë ca i vëcëjnë a punìrtë sò lìëndë

82. s’hònna mòvë a Capräjë e a Ggorgònë
83. e hònna fä sìëp a l’Àrnë sòwp a la fòwscë
84. ssë ca jìdd fäscë nëcä ntèj ognè përsòwnë

85. ca cë du còndë Ugolìnë së tënëja vòwscë
86. d’avèrtë  tradëjtë  a  ttëj  dë  lë  castìëddë
87. nò avìvv tù lë fìgghj mètt a ttäla cròwscë

88. Nnuzéndë  facëja  l’étäta  nuvèllë
89. nuvèlla Tébë Uguccjòwne u Brëgätë
90. e l’òld e ddëw ca u càndë sòwp appèllë

91. Nëw passàmmë jòldrë ddä ndò a scëlätë
92. ruvëdaméndë  a  nn’òlda  ggéndë  affàshë
93. nòn aggërätë abbàshë ma tùtta ruwëshätë

94. U  chjàndë  stèssë  ddä  chjàngë  nòn  làssë
95. e u dëlòwr ca jàcchj sòp a l’òcchjër ndùëppë
96. së rëvòlgë dajìndrë a ffä crèshë l’ambàshë

97. pëcké lë làcrëmë prëjmë fàscënë jëròppë
98. e  ddassë  cumè  vvësìërë  dë  crëstàllë
99. jènghjënë sòtt u cìgghjë tùttë u cùëppë

100. E  ssuccétë  dassë  cùmë  a nnu càddë
101. pë  la  frëddèzzë  ognè  ssëndëméndë
102. cëssät avèssë dë stàrm angòrë mbàccë

103. Ggjä më parëj dë sénd abbastànz vìëndë
104. e jjë:”Mèstrë mëj e ccùssë mò cë u mòvë?
105. Nò jjé quäbbàsh ognè vvapòwrë stutätë?”

106. E jjìdd a mmë:”Mò appùnd t’acchjäj andò
107. dë kìëssë t’addà fä l’ùëcchjë la rëspòstë
108. vëdénn u mutëjvë dë cë ammén vìëndë”

109. E jjëwnë dë lë trìstë dë la frèdda cròstë
110. në jërdòw a nnëw: ”O jànëmë crudélë
111. tàndë  ca  vë  jé  ddätë  l’ùldëma pòstë

112. luwàtëmë  da  mbàccë  lë  tùëstë  vèjlë
113. ssë ccà sfòk u dëlòwr càw còr më pèjsë
114. pìcca prëjmë ca u chjàndë véné shëlätë”

115. E  jjë  a  jjìddë: ”Cë vùëj ca jë t’ajjëwkë
116. dìmmë  cë  sì: e ccë jë nòn të dësbrëjkë
117. ca jë pòzz fërnèsh ‘nfùnnë à ghjaccjäjë”

118. Rëspunnèttë tànnë”Jë sò frätë Albèrìkë
119. jë  sònd  cùdë  dë lë frùttë du mälùërtë
120. ca cquä pìgghj arrétë dàttërë pë ffëjkë”

121. “Oj -llë dëcìbb jë- mò tù sì ggjä mùërt?”
122. E jjìdd a mmë”Cùmë u cùërpë mëj stëj
123. ndò u mùnn ajjàldë canuscénz nò pòrtë

124. Ssù  vandàggë  ténë  kèssa  Toloméjë
125. ca  spìssë  vòldë  l’ànëmë  ngë  cätë
126. prëjmë k’Atropòs na mòssë llë dëjë

127. E pëcké tù cchjù vulëndìërë më lìëvë
128. lë  ‘nvëträtë  làcrëmë  da  la  fàccë
129. sàccë  k’appénë  l’ànëma  tradìscë

130. cùm facìbb jë u cùërpë lë vénë luwätë
131. da nu dëmmònjë ca dòppë u cuwèrnë
132. òmméndrë ca u tìëmb sëw së në pàssë

133. Jèddë prëcìpët andò ssë ffàtta cëstèrnë
134. e fòrsë appärë angòrë u cùërpë ajjàldë
135. dë l’òmbrë ca quä drétë më rëmbrèshkë

136. Tëw l’hà sapèj cë shìnnë quä pròpjë mò:
137. jìdd jé Sèr Bjànga d’Òrjë e ssò cchjù jànnë
138. passätë da quànn jé stätë quä rënchjëwsë”

139. “Jë crèjt–dëcìbb jë a jjìdd–ca tù më ngànnë
140. pëcké Vjànga d’Òrjë nò jjé mmùërt angòrë
141. e mmàngë e vvèjv e ddòrm e vvéstë pànnë”

142.“Ndòw fùëss sòp-dëcètt jìdd-dë Mälëbrànghë
143. pròpjë ddä andò scàllë la tënäscja pèjscë
144. nò jjérë arrëvëtë angòrë Mëkélë Zzànghë

145. ca  cùssë  lassòw  u djàvëlë ën sëwa véscë
146. ndòw cùërp sëw e ndò cùd dë nu sëw vëcëjnë
147. ca u tradëméndë òwnëjtë kë jjìddë facèttë

148. Mà stìnnë orämäj vèrsë dë cquä la mänë
149. jàprëmë l’òcchjërë” e jjë nò llë n’aprìbbë
150. e curtësëj  fòw pë jjìddë a jjéssë vëllänë

151. Oj  Ggënuwëjsë  jùëmmënë  dëvèrsë
152. d’ognè këstëwm e cchjëjn d’ognè magàgnë
153. pëcké nò ssëjtë vëw dàw mùnnë dëspèrsë?

154. Pëcké  cù  péscë  spìrdë  dë  Rumàgnë
155. acchjàbb a nnu täl dë vëw ca pë l’òpëra sòw
156. kë  l’ànëmë  ën  Cocìtë  éggjä  s’abbàgnë

157. e u cùërpë pärë vëjvë angòrë ddä ssòwpë