CÀNDĔ 14° DÙ MBÌĔRNĔ Scritto da Gianni il 18/10/2005 09:14:56 A DĔVĔJNA CUMMÈDIĔ NDJALÈTTĔ FRANNĔNÈJSĔ dë Gianni Latronico CÀNDĔ 14° DÙ MBÌĔRNĔ 1 Dätë ca la carëtätë dù lùëkë dë nàshëtë 2 më tucquò u còrë accugghìbb chìëd frùnn 3 e lë rrënnìbb a ccùdë ca jérë éggjà sparëjtë 4 Po’ vënìmmë a la fëjnë andò së sëpärë 5 u sëcònd ggëròwnë dàw tèrzë e andò 6 së vèjtë d’a ggjustìzzjë l’arta terrìbbëlë 7 Pë mmìgghjë manëfëstäj lë còwsë nòvë 8 dëjk k’arrëvàmm ndò na chjäna sabbjòws 9 ca dàw lìëtt sùw ognè cchjàndë allundänë 10 A duluròwsa sèlvë lë fäscë da ghërlàndë 11 attùrnë cùmë u fùëssë trìst a jjèddë 12 e cquä fërmàmmë lë pàssë rasénd rasénd 13 U pavëménd jérë dë rèjna fëjnë e jjëròssë 14 nòn cèrt dë n’òta manérë fàttë da kèdë 15 ca fòw travërsätë da lë pìëtë dë Catòwnë 16 O mënnétt dë Ddëj quànd tùë dìgghja 17 jéss tëmëwtë da cìnga rjèshë a lléscë 18 ccè ccà fòw chjärë a l’òcchjërë mèjë 19 Dë jànëm a l’anëwtë vëdìbbë na morr 20 ca chjangìvënë tùttë assä misëraménd 21 e pparëj mëjsë a llòrë na dëvèrsa lèggë 22 Dë pànz a l’àrjë stëja ndèrr anghëwna ggénd 23 anguàlkè jjëwn s’assëttävë tutt’accugghjëwtë 24 e anguàlkè jjàldrë së në scëja condinuaménd 25 Kèdë ca së në scëj attùrnë jérë cchjù assäj 26 e ckèda cchjù ppìckë ca stëja sott a lë turmìënd 27 ma cchjù àw dëlòwrë tënëj la lègna lògnë 28 Sòwp a ttùtt u sabbjòwnë chjänë chjänë 29 chjuwìvënë dë fùëkë fascéddë jërànnë 30 cùmë dë nèjvë sòwpë a l’Alpë sénza vìënd 31 Cùm Alëssàndrë andò kìëdë vànnë càllë 32 dë l’Indjë dètt vambalénz sòwp u sëw stùëlë 33 cadëjë fìttë fìttë affìgnà ‘ndèrrë 34 e ppë ckìëss pruvvëdètt a stambëshä u sùëlë 35 kë lë sëwa shämë dassë ca lu vapòwrë 36 mìgghjë së squagghjàssë mèndrë jéra sëwlë 37 dassë shënnëj kèd atèrna vräscë fërvéndë 38 k’appëzzëcävë la rèjnë cùmë fäscë l’èskë 39 sott’a fuquàgnë a rradduppjäj u dëlòwrë 40 Sénzë dë n’abbìëndë mä jérë la trèskë 41 dë lë mìsërë mänë da cquä e da ddä 42 scutulànnë da lòrë la nòvë arsëwrë 43 Accumënzàbbë: “Wé u mèstrë tù ca vìngë 44 tùttë lë còwsë ma nò lë dëmmònjë tuëstë 45 ca jàcchj a la trasëwt e a l’assëwt dë la pòrt 46 cë jé ccùdë jërànnë ca pärë dë nòn curàrsë 47 dù fùëkë e ssë në stä dëspëttëwsë e stùërt 48 màngh cë lë vambalénz no lu tucquàssën?” 49 E ccùdë stèssë ca tànn së n’addunòw 50 ca jë addumannävë àw dëwkë dë jìdd 51 jërdòw: “Cùm jèr vëjv dassë sò dda mùërt 52 Cë Gjòv së la pìgghj cù fërrär sëw dàw quäl 53 arrabbjätë pëgghjòw la sajétta pëzzëwtë 54 da la quälë avìbb mazzëtë l’ùtëmë jùërn 55 o cë jìdd ammënàzz l’òldë a mòrr a mòrr 56 sòp’a fuquàgna gnuruquätë dë Mongibèllë 57 jërdànn: ”Bbùën Vulcänë ajjëwt ajjëwtë!” 58 Dassë cùmë facètt à bbattàgljë dë Flècrë 59 ca më sajëttòw kë ttùttë la fòrza sòwë 60 no nnë putëj avè mënnétt allècrë” 61 Tànn u dëwkë mëj avètt a parlä a ffòrz 62 tànd ca jë no l’érë sëndëwtë mä ssë fòrt 63 “O Capanéj vìstë ca nòn s’abbàshë 64 a supèrbja tòw tù vìën punëjt cchjù assä 65 nëshëwn martìrjë a l’ënfòrë dà rabbja tòw 66 sarëj a la fùrja tòw dëlòwrë cchjù adàttë” 67 Pò së rëvols a mmë kë pparòlë cchjù ccàlm 68 dëcénn: “Cùdë fòw jëwnë dë lë séttë rréjë 69 k’assëdjòrn a Ttébë k’avètt e jjävë angòrë 70 sdègnë dë Ddëj e ppëcké pärë ca l’apprézz 71 ma cùmë jë lë dëcìbb a jjìdd lë sùa dëspìëtt 72 sò àw pìëtt sëw frèggë cchjù ddègnë dë jìdd 73 Mò vìënëmë drétë e stàtt attìënd a nnò mètt 74 angòrë lë pìëtë andò la rèjna cuscéndë 75 ma tìënëlë sémb cchjù vvëcëjn àw vòsk 76 Cìttë cìttë arrëvàmm pròpjë ddä andò jéss 77 dafòrë dë la sèlvë na jumärë zënènnë 78 ca u rùssë dù sàgnë angòrë më ‘ngrapìccë 79 Cùmë da Bulëcänë jéssë nu rushìëdd 80 ca së spàrtënë pò fra lòrë lë pëccatrëjscë 81 dassë së në scëja cùdë andò la rèjnë 82 u fùnnë e ttùtt’e ddëw lë fiànghë 83 jérn fàtt da pétrë kë lë spònd da na vànn 84 pë ckìëss m’addunàbb ca ddä jér u passàgg 85 “Fra tùtt ccè cca jë t’égghj addëmusträtë 86 dòpp ca nëw trasìmm andò la pòrtë 87 k’a trasëwtë k’à nnëshëwn vénë nëjätë 88 e ddë ssa còwsë tëw nòn të në sì addunätë 89 cùmë fìgnë jé ‘mburtànd ssù rushìëddë 90 ca sòp’a jjìdd fäscë murëj tùttë lë vàmbë” 91 Kìëssë fòrnë lë paròlë dù dëwkë mëjë 92 e ppë ckìëss jë u prëjàbb dë suddësfàrmë 93 cùdu vulëjscë ca m’érë fàtt dassë vënëj 94 “Mmìënz àw mär ‘ngé nnù pajëjsë wàstätë” 95 dëcètt jìdd tànn – ca së chjämë Crèjtë 96 e sòttë u règnë sëw ngë fòw u sèquël d’òwr 97 ddä ‘ngé nna mundàgnë ca fòw ggjà rrìckë 98 d’àcquë e ddë frùnn ca së chjämë Jëjtë: 99 mò jé dësìërt cumè nna còwsa vécchjë 100 Réj a prëscèlsë eggjä pë nnäca fëdätë 101 dù fìgghjë sëw p’ascònnërlë mìgghjë 102 quànn cùdë chjangëj facëja fä u fracàssë 103 Ndòw mòntë stä nu vécchjë jërànn assä 104 ca ténë aggërätë lë spàddë vèrsë Damjätë 105 e wwàrd a Rròm cumè ndò nu spècchjë 106 A cäpa sòw jé ffàttë d’òwrë fëjnë e 107 d’argìëndë chjärë sò lë vràzz e u pìëtt 108 pò e ddë räma ròssë affìgn àw fërcòwnë 109 da ddä a ssòttë jé tùttë dë fìërr shèldë 110 shkìtt ca ténë u pétë déstrë dë tèrra còttë 111 e stä appuggjät cchjù sòp a ccùss k’à l’òldë 112 Ognè vvànnë fòrë dë l’òwrë jé rròttë 113 da nu përtëwsë ca scjòrscë làcrëmë 114 k’accugghjëwtë furèscënë kèda jëròttë 115 A lora purtätë ‘ndò sta vàddë së dëròccë: 116 fàscënë Akërònd e Stìggë e Fleggëtòndë 117 pò së në vònnë sòtt pë ckèssa strètta dòccë 118 affign a ddä ndò cchjù së smòndë: 119 fàscënë Còscëtë e ccë jé ccùdu stàgnë 120 Pò të n’addunäj ma cquä nòn së càndë” 121 E jjë lë dëcìbbë a jjìdd: ”Cë sta jumärë 122 së në shènnë cquä dàw mùnn nùëstrë 123 pëcké n’appärë a ccùssu lëmëtòwnë?” 124 E jjìdd a mmë:”Tù sä ca u pùnd jé tùnn 125 e affìgnë ca tëw sì vvënëwtë assäjë 126 a ssënìstrë shënnénn abbàsh ‘nfùnn 127 nòn sì aggërätë angòrë tùtt u cìërchjë 128 pë ckìëss cë t’apparìsh n’òta còwsa nòv 129 nòn t’ha fä maravìgghj cchjù ddë tàndë 130 E jjë angòrë:”Wé u mèstr andò së jàcchjë 131 Flègëtònd e Létè ca dë jëwn nòn dëjsh nùdd 132 e dë l’òld dëjsh ca vénë fàtt da ssa chjuvëwt” 133 “Cèrt ca në pjäshë pë tùtt ccè k’addumànnë- 134 rëspunnètt - ma l’àcqua ròssë ca fèrvë 135 n’avëja rësòlvë almèjnë jëwnë ca më fäj 136 Létè tù l’ha vëdèj fòrë da ssù fùëssë 137 àw pùnd andò vònnë l’ànëmë a llavàrsë 138 quànn la còlpë pëndëjtë jé përdunätë 139 Pò dëcètt:”Oramäj jé ttìëmb dë scustàrsë 140 dàw vòsk e ttù cìërkë dë vënìrmë drétë 141 fàscën da strätë i lëmëtëwnë ca sò jàrsë 142 e ssòp a llòrë ognè vvàmbë së stëwtë [Visualizza solo questo messaggio][commenti (2)]

CÀNDĔ 13° DÙ MBÌĔRNĔ Scritto da Gianni il 18/10/2005 08:53:09 A DĔVĔJNA CUMMÈDIĔ NDJALÈTTĔ FRANNĔNÈJSĔ dë Gianni Latronico CÀNDĔ 13° DÙ MBÌĔRNĔ 1 Non èrë angòrë da ddä Nèss arrëvätë 2 quànn në ëmbusquàmm ndò na frést 3 ca da nëshëwnu lamëtòwnë jéra sëgnätë 4 Mànghë na frònna vèrd ma dë këlòwr gnëwrë 5 nëshëwnë zaccòwnë drìtt ma ndùërt e stùërtë 6 nëshëwnu frùtt ngérë ma spëjnë vëlënòwsë: 7 nòn ténënë cafòrchjë dassë stèrnë e stòrtë 8 kìëdë véstjë salvàggë ca ténënë a jjòdië 9 lë tèrrë culdëwätë fra Cècënë e Ccunétë 10 Cquä fàscënë lë nètërë lë bbùttë Arpëjë 11 ca caccjòrnë da lë Stròfëdë lë Trujänë 12 kë l’mmënàzzë dë n’òtu wäj angòrë 13 Ténënë shìëdd apèrtë cùëdd e ffàccë umänë 14 pìëtë kë l’ògnë lùëgnë e ppènnë sòp la véndrë 15 fàscën lamìëndë sòwp a kìëdd àrvë stränë 16 E lu bbùën mèstr:“Prëjm ca cchjù t’addìndrë 17 ha sapèj ca të jàcchj ‘ndò u sëcònd ggëròwn- 18 m’accumënzòw a ddëjscë - e ‘ngjà rëstäjë 19 mméndrë vìënë andò l’orrìbbëlë sabbjòwnë 20 ma rëwardët bbùën dassë vëjdë còws bbrùtt 21 k’hònna luwä ognè ffèjtë a lë mëja paròlë” 22 Jë sënfdëj da ognè vvànnë assëj lamìëndë 23 sénza putè vëdèj la ggénd ca lë facëja sénd 24 e ppë cchìëss tùtt trëmëlànn m’ammundàbb 25 Jë crèjtë ca jìddë crëdèttë ca jë crëdèssë 26 ca tàndë vòwscë assèssën da kìëd zacchëwn 27 da pàrt dë ggéndë k’a nnëw s’ascunnèssënë 28 Pë cchìëss dëcètt u mèstr: “Cë tù spìëzzë 29 anguàlké ffràskë d’anghëwnë dë ssë chjàndë 30 lë pënzìërë ca tìënë së n’hònn assëj da ‘ngäpë 31 Tànnë ammënàbbë në pìckë la mäna nnànzë 32 e spëzzàbb nu zìpp zënìnn da n’àrv dë prëwnë 33 e u fùstë jërdòw: “Pëcchè më schjàndëjscë?” 34 E ddòpp ca u sàgnë s’érë tùttë gnuruquätë 35 accumënzòw arrét a ddëjscë:“Pëcké më shìërp? 36 Nòn tìënë nu pìckë dë piatätë ndò l’àlma tòw? 37 Fùmmë jùëmën e mmò sëjm dëvëndät stìërpë 38 e a mäna tòw avìssa jéss në pìcca chjù dëlëcätë 39 cë nëw fùssëmë stätë jànëmë dë sìërpë” 40 Cumè cquànnë da nu tëzzòwn vèrd vruscjätë 41 da jëwnë dë lë cäpë ca da l’òldë së laméndë 42 e shkattëscèjscë cù vìënd ca pàss e ssë në vä 43 dassë da la schèggja ròttë assìjnë ownëjtë 44 paròlë e ssàgnë e ckë ckìëss lassàbb la cëjmë 45 cadèj e rrumanìbb cumè jòmmën tëmurëwsë 46 “Cë jìdd avèss putëwtë crèjtë prëjmë - 47 rëspunnèttë lu mja sàggë – jànëmë affèjsë 48 ccè ck’ha vvìstë fìgnë andò la mëjë Enèjdë 49 nòn avrèss vèrsë dë tèj la mänë stèjsë 50 ma la còwsë dassë ‘ngrëdìbbëlë më facèttë 51 ajzzàrlë a nn’òpërë k’a mmë stèss pèjsë  52 Mò l’a dëjscë cë tù fùstë dassë ‘nvécë 53 dë n’amméndë la tëwa jëlòrjë rëmbrèshkë 54 ddä ssòwpë ndò cùdu mùnn ndò addà turnä” 55 E l’àrvë:“K’a parulédda dòlgë dassë m’attëjrë 56 ca jë nòn pòzzë stä cìtt e nòn v’adda dëspjacèj 57 cë jë m’abbéndë në pìckë cquä a rraggjunäj 58 Jë so ccùdë ca tënìbbë tutt’e ddò lë chjävë 59 dù còrë dë Fëdërëjkë sëcònd e ca l’aggëràbbë 60 sërrànn e ddëssërrànn kë ttànda dulgèzzë 61 k’allundanàbb a ttùtt quànd da lu sua sacrét 62 purtànn fèjtë a ssù mëstìërë dassë ddëlëcätë 63 tànd ca jë ngë rëmëttìbb u sùënn e lë fòrzë 64 L’ammìdjë ca mä e ppò mä luwò dàw régnë 65 dë Césërë l’òcchjërë kë lë puttanìzzjë 66 mòrtë këmëwnë e ddë tùtt lë còrt vìzzjë 67 avvambòw còndrë dë mèj l’anëmë tùttë 68 e lë ‘mbuquätë ‘nfjammòrn dassë Augùstë 69 ca fòrn cundìënd dë fä dëvëndä lùtt l’onòwr 70 L’ànëma mèj pë ssëddëgnëwsë jùstë 71 crëdénn kë la mòrt dë scafùwscë ù sdègnë 72 facèttë a mmë ‘ngjust còndrë dë mè ggjustë 73 Pë lë nòvë radëjscë dë ssà chjàndë 74 jë v’aggjëwrë ca mä e ppò mä rumbìbb fèjtë 75 a lu mëja sëgnòwr ca fòw d’onòwr ssë ddègnë 76 E ccë qualkëwnë dë vëw ‘ndòw mùnn tòrnë 77 addà purtä këmbùërt a la mmamòrjë ca stä 78 angòrë cù còlpë ca l’ammìdjë llë dèttë!” 79 Aspëttòw në pìckë e ppò:”Ggjä ca stä cìttë - 80 dëcètt lu puwétë a mmëj-nòn përdénn l’òwrë 81 ma pàrlë e addumànnëlë ccè cchjù ttë pjäscë” 82 Tànnë jë a jjìdd: “Addummànn tùë angorë 83 dë ccè cca tùë pìënz ca më pòtë suddësfäj 84 ca jë nòn putrèss tànd jé la pjatätë ca tégnë” 85 Pë ckìëss accumënzòw:“Cë l’òmmën t’addà fä 86 libbraménd ccè cca ‘ngë tìënë tàndë ‘ngùërp 87 spìrdë ‘ngarcërätë mò tùë n’a fä u fajòwrë 88 dë spjajàrn a nnëw cùmë l’ànëmë s’attàckë 89 andò ssë nòtërë e nn’ha dëjscë cë tùë pùëtë 90 cë qualkëwn dë ssë zèppërë rjèshë a lluwàrs” 91 Tànn jìdd ammënòw vìënd daw fùstë e ddòpp 92 cùdë vìëndë së trasfurmòw ‘ndò ssa vòwscë: 93 “Kë ppìcck paròlë v’adda jéss dätë na rëspòstë 94 Quànnë së sëpärèjscë l’ànëma fëròwscë 95 daw cùërp andò jèdda stèss së jé spëzzëtë 96 Mënòssë la mànnë a la sèttëma fòwscë 97 Cätë andò la sèlvë sénza shèltë dë pàrtë 98 ma ddä ndò l’amménë la sëwa fërtëwnë 99 Cquä pìgghjë cumè u jëränë dë bbjädë 100 Crèshë cumè jjëramègnë e cchjànda sëlvéstr 101 l’Arpëjë pascénnësë pòj dë lë sëwa frùnnë 102 fàscënë mälë e àw dëlòwrë fàscënë fënéstrë 103 Cumè l’òldë ammà vënëj kë lë nùëstrë cùërp 104 ma l’àlma nòstrë addà rëstä a l’anëwtë 105 pëcké nòn è ggjust d’avè cccè cca jëwn së lév 106 Cquä l’ammà strascënä e andò la trista 107 sèlvë honnà jéssë lë nùëstrë cùërpë appëjsë 108 ognëwnë a l’àrvë dë l’àlma sòwa muléstë” 109 Nëw stìmmë angòrë vëcëjnë a ckèda cèrsë 110 pënzànn ca nnë vulèss dëjscë jàldrë còwsë 111 quànnë fùmmë spamëndätë da nu frajàssë 112 pròpjë cumè ccùdë ca d’arrëväjë 113 sénd u pùërkë e la càccë a la sëwa pòstë 114 ca sénd lë véstjë e mmovërsë lë fràskë 115 E mò vëdëmë dëw arrëvä dàw cùëst nùëstr 116 tùtt a l’anëwt e rrashkät fuscénn dassë fòrt 117 ca dë la sèlvë spëzzàvënë ognè ffràskë 118 Cùdë dë nànzë: “Mò vìënë vìënë mòrtë!” 119 E l’òldë ca lë parëja d’abbëndàrsë assäj 120 jërëdävë:“Länë dassë nòn fòrnë svèldë 121 lë jàmmërë tòw a la ggjòstrë ndòw Tòpp!” 122 e dòppë ca fòrsë së stangòw a shë dë fòdd 123 facèrn dë sé stèss e dë fògghjë nù varòwnë 124 Kë ddrétë a llòrë jérë la sèlva chèjnë 125 dë càgnë gnuruquätë bramòwsë e ffurjéndë 126 cumë jéssënë lë cänë nòn appénë sò scatenätë 127 A ccùd ca s’acquattò l’azzannòrn kë lë dìëndë 128 e u shcangaròrnë a ppìëzzë e a ppëtàzzë 129 po’ së në scèrnë purtànnësë l’òssërë dulìëndë 130 Tànnë la mëja scòrtë më pëgghjò kë mmänë 131 e m’ndrëzzò àw varòwnë dë fràsk ca chjangëj 132 kë lë fërëjtë sanguënàndë ma ënutëlméndë 133 “O Ggiaquëmë – dëcëj – da Sand’Andrèjë 134 a ccè tt’è ssërvëwtë a ffàrtë dë mè skèrmë? 135 Cè ccòlpë tégnë jë dë la tëwa vëjta culpèvël?” 136 Quànn u mèstrë fòw vëcëjnë a jjìdd fèrmë 137 dëcètt: “Cë fùst ca pë ttànda vànnë ‘ngëjmë 138 shùrscë cù sàgnë nu stracùrs dassë ddulénd?” 139 E jjìdd a nnëw: “O jànëmë k’arrëvätë 140 mò avëjta vëdèjë u stràzzjë dësunéstë 141 k’ha ssëparätë dassë lë frùnnë mèjë 142 accugghjìtëlë a lë pìëtë dë la trista céstë 143 Jë fùbbë dë la cëtätë dë Fërénz ndò Bbattìst 144 cambjò u prëjmë patrëwnë e jjé pë cchìëssë 145 ca sémbë kë l’àrta sòw l’addà fä trìstë 146 e ccë nòn fùss ca sòp u Pònd Vécchj dë l’Arn 147 rést angòrë dë jìdd anghëwna vìstë 148 kìëdë cëtadëjnë ca po’ a frabbëcòrnë 149 sòwp a la cènër ca d’Attëlë rumanèttë 150 l’avìëna jéss fàtt fatëjä ënutëlméndë 151 Jë facìbb a mmë stèss fòrkë dë lë mja cäsërë”     [Visualizza solo questo messaggio][commenti (0)]